港聞

下一篇
上一篇

【非洲豬瘟.Emily Online】豬牛檔全關門 牛羊屠業商會理事長寄調《上海灘》:又無豬又無牛 (18:12)

上水屠房停止運作至今,除市面上無新鮮豬肉供應外,連帶新鮮牛肉供應都受影響。今日(14日)Emily返工之前行去街市望咗兩望,發現成個街市一檔肉檔都無開,豬牛無一倖免。有主婦同Emily講,覺得影響其實唔大,無豬牛食,食雞或魚都可以;牛羊屠業商會理事長就寄調《上海灘》,大唱「又無豬,又無牛」。

其他報道:【逃犯條例】石禮謙稱不再主持法案委員會會議:我無能

今日Emily從糖水道行到春秧街,再行返去渣華道市政大樓。沿途望到所有肉檔都落閘無開。街市嘅主婦們話題都離不開「無肉買」,互相交流買餸心得。方太就選擇去凍肉舖買急凍豬排,佢同Emily講,無新鮮豬牛食都唔緊要,食凍肉一樣可以。連收緊錢嘅凍肉叔叔都忍唔住加把口話:「而家有(豬肉)你都唔敢食啦!」

旁邊另一間凍肉舖嘅職員莊生就話,鮮肉檔無開,主要最影響主婦無得用豬肉豬骨煲湯。佢又話,今日開始連牛肉檔都無開門,加上內地休漁期開始,令魚類海鮮選擇較少,所以多了人選擇購買凍肉,生意粗略估計好咗兩成。

香港牛羊屠業商會理事長鍾兆階同Emily講,其實香港大約有200幾檔牛肉檔,相信目前全部都因為屠房停止運作,受波及而開唔到檔,「豬無得劏,牛都無啦!」傾傾吓佢大開金口,唱改歌詞版嘅《上海灘》:「又無豬!又無牛!」不過問到知唔知政府有無打算對佢哋作出任何賠償嘅時候,佢就明顯避忌話「好難答」,又叫Emily幫佢爭取咁話。

其他報道:【麻疹爆發】尖沙嘴海港城GUCCI今關門 內地客摸門釘斥不合理

其他報道:觀塘官立小學集體食物中毒 10小學生疑進食內地零食後不適送院

相關字詞﹕非洲豬瘟 徵狀 症狀 傳染途徑 傳人 入境 香港 台灣 大陸 食用 高溫 病毒 疫情 疫區 屠房 肉檔 豬肉 牛肉 街市 編輯推介

上 / 下一篇新聞