港聞

下一篇
上一篇

【Emily Online】陳淑莊病房慶祝母親節 (16:31)

佔中案被告之一、公民黨立法會議員陳淑莊(Tanya)日前完成移除腦膜瘤手術,她嘅社文網站facebook專頁小編今日(12日)再有更新,透露佢今日同媽咪喺病房共度母親節,有朋友仲專誠帶來一個蛋糕代表「寶貝女阿淑」送畀Auntie,「Tanya有得睇無得食,佢繼續食佢嘅白麵包」。

帖文大篇幅提到陳淑莊媽咪嘅心情,話佢起初由憂心忡忡、笑容少咗好多,難以接受Tanya可能要坐監,到後來「好叻」,逐漸調整至平靜面對最壞嘅結果。不過,4月佔中案判刑前夕,Tanya提早請食飯、預祝母親節,上甜品前,佢硬着頭皮話畀媽咪知,自己有腦腫瘤嘅消息。

有關消息對Auntie嘅打擊比佔中案更大,令佢精神恍惚咗一段日子,直至Tanya完成手術先稍為鬆一口氣,日日到病房照顧Tanya。文尾除咗以「母親節快樂」作結,更大讚「auntie好堅」,並以Hashtag「難關難過關關過」為佢哋打氣。

其他報道:【長洲太平清醮.圖輯】飄色巡遊諷時弊 「大智若嶼」、「安心鐵路」登場

其他報道:截至中午12時逾1.2萬人往長洲 按年升12%

其他報道:環亞搜出未註冊藥 不涉子宮頸癌疫苗 逾百內地客續湧退款

相關字詞﹕陳淑莊 病房 腫瘤 佔中九子 佔中案 母親節 編輯推介

上 / 下一篇新聞