港聞

【Emily Online】成龍霍啟剛參與「國歌快閃」 輪椅婆婆站起來  (20:36)

為咗響應中華人民共和國成立70周年、香港回歸祖國21年,香港各界青少年活動委員會近日就展開一場「國歌快閃」活動,傳遞尊重國家嘅信息,令灣仔金紫荊廣場聚集咗一班特別嘉賓,大家快速聚集埋一齊唱國歌,然後就散晒。

「國歌快閃」片段中可見,不少市民為參加活動從四面八方嚟到,國歌前奏響起時,旅遊巴上嘅司機即時落車,連坐喺輪椅上嘅婆婆都起立,面向國旗肅立致敬。畫面除了有班參加升旗禮嘅學生,亦見在場匯集不少德高望重嘅院士學者、政商演藝各界知名人士,包括影星成龍、港區全國人大代表鄺美雲、歌星譚詠麟、蘭桂坊集團主席盛智文、食物及衛生局前局長高永文等,佢哋一臉嚴肅、莊重咁唱國歌。

高永文喺片尾受訪時大讚,「國歌快閃」活動嘅形式別開生面,令佢覺得非常感動。成龍就話喺呢個場合唱國歌好激動,以身為一個中國人而驕傲。譚詠麟就形容參與活動嘅心情好似自己拎獎一樣咁開心。

至於活動舉辦嘅目的,身兼活動委員會執行主席的全國政協委員霍啟剛解釋話,今年係新中國成立70年,希望短片可以匯集香港各界表達對國家嘅尊重。他亦提到影片拍攝當日,東江戰隊嘅老兵、公公婆婆嚟到確實好辛苦,因為天氣熱又唔穩定,要企嘅時間都頗長,「其實我哋國家走嗰70年,係確實唔容易,真係飲水思源」。

其他報道:【五一勞動節】政府回應遊行:聆聽持份者意見 制訂適切勞工政策

其他報道:【麻疹爆發】再多1人確診染麻疹 此前曾連續3日到瑪麗醫院急症室求醫

相關字詞﹕中華人民共和 香港回歸 國歌快閃 灣仔金紫荊廣場 成龍 鄺美雲 譚詠麟 盛智文 高永文 香港各界青少年活動委員會 霍啟剛 編輯推介

上 / 下一篇新聞