港聞

【Emily Online】荃灣公共圖書館大翻新 3層變5層 (19:03)

1993年啟用、位處荃灣政府合署低座3至5樓嘅荃灣公共圖書館,即將迎來大翻新。康文署最近向荃灣區議會提交文件,稱計劃分階段翻新荃灣公共圖書館,當中會重新規劃圖書館嘅設施同埋空間,由目前佔地3層改為佔地5層。

其他報道:【Emily Online】趁逃犯例暫停會議 容海恩帶B女入會議室

日後荃灣政府合署低座6至7樓都會成為圖書館嘅一部分,令到整個圖書館嘅樓面面積增加至3600平方米,即大約3.9萬平方呎。圖書館到時會提供更多座位,翻新後亦會增設休閒閱讀區,提升市民嘅閱讀興趣;但文件未交代翻新費用。

康文署又話,為咗配合智慧圖書館系統嘅發展,翻新後圖書館會透過應用「無線射頻識別技術」(RFID),提供更多元化嘅自助服務設施,以提升圖書館服務質素同效率。康文署話整項翻新計劃需時兩年半。

Emily睇過康文署嘅設計圖,日後兒童圖書館似乎會以綠色做主調,成人圖書館則會採用啡色主調,書桌、天花同樓柱擬採用木材,有啲似屏山圖書館咁,令人感到舒適悠閒。

其他報道:【逃犯條例】建制派促內會發指引改由建制派最資深議員石禮謙主持 涂謹申質疑是否須跟從

其他報道:港大民調:林鄭月娥評分微升 市民對民生滿意率淨值跌10百分點

相關字詞﹕荃灣公共圖書館

上 / 下一篇新聞