港聞

【Emily Online】趁逃犯例暫停會議 容海恩帶B女入會議室 (15:34)

《逃犯條例》修例法案委員會今日(30日)舉行第二次會議,氣氛緊張,其間主持會議嘅民主黨涂謹申因規程問題暫停會議10分鐘,新民黨容海恩(Eunice)趁呢段空檔,突然帶埋今年初出世嘅B女入會議室探「長輩」,一班建制派議員隨即蜂擁而上打卡,連民主派會議召集人毛孟靜都讚B女得意,會議室氣氛頓時放鬆咗一下。

Eunice嘅老公、新民黨政策總裁袁彌昌,日前上載一幅反逃犯條例修訂遊行人山人海嘅相片,形容「香港再覺醒」。黨主席葉劉淑儀今日同Eunice見記者時,就講笑話袁彌昌呢句意思,係B女瞓醒咗咁話。

另外,上次會議被逐離場嘅工聯會郭偉強,今日喺會議途中,同早前失言嘅民建聯何俊賢一齊喺會議室外一邊休息,一邊睇會議直播,形成有趣畫面。郭偉強話,佢同何俊賢「一糊塗就講錯嘢,又畀人趕」,所以坐住外面先,何俊賢又諷刺主持會議嘅涂謹申,「拿住枝雞毛(當令箭)」。

逃犯條例相關新聞:

委員會仍未選出主席 謝偉俊:內會可發指引或設死線

促選主席務實討論 李家超:若無法例「對社會每個人都不好」

法案委員會結束二次會議 未開始選主席

泛民要求約見 林鄭稱若為施壓會面無意義

涂謹申續處理規程問題 法案委員會開會一小時仍未選主席

否認無回應台灣及死者家屬 林鄭月娥:一兩日內回信

法案委員會今再開會 謝偉俊:若未選出主席將有反制行動

郭榮鏗:國際關注修例政府勿一意孤行 梁美芬:外國「鍾意點講就點講」

相關字詞﹕逃犯條例 香港 修訂 諮詢 移交逃犯條例 台灣 引渡條例 協定 商界 內地 中港移交逃犯 立法會 容海恩 B女 何俊賢 郭偉強 編輯推介

上 / 下一篇新聞