港聞

【Emily Online】《明報》奪香港報業公會「2018年最佳新聞獎」14獎項 (17:33)

香港報業公會今日(29日)舉行「2018年香港最佳新聞獎」頒獎典禮,《明報》今屆一共奪得14個獎項,包括3冠、4亞、3季及4優異。

其中《明報》偵查組同事憑住「鄭若驊僭建」嘅報道,奪得最佳獨家新聞獎冠軍同最佳新聞報道亞軍,至於「環聯保安漏洞」嘅報道就拎咗最佳獨家新聞同最佳新聞報道季軍。另外,攝影組同事亦奪得多個攝影獎項,其中「煙花一旁,默悼海難」得到最佳圖片(新聞獎)冠軍,以及澳門賽狗場結業時影低嘅「棄將」得到最佳圖片(特寫組)冠軍,證明同事過去一年嘅努力都得到肯定,Emily再一次恭喜所有得獎同事!

另一方面,有出席嘅政務司長張建宗致辭時話,自己每日睇20份報紙,仲笑言最鍾意報紙嘅油墨味。佢又話自己從報紙中獲益良多,「特別是報章的深入報道,例如在今天展板上獲獎的專題報道,為政府提供了很有用的資料」。佢又提到政府高度重視同珍惜新聞及言論自由,尊重傳媒嘅監察角色。

報業公會主席甘煥騰話,今年有唔少報紙加價,但係無媒體問佢對報紙加價嘅睇法,佢認為係因為新聞有價,希望大家睇多啲報紙。

其他報道:陳同佳判囚29個月

其他報道:【逃犯條例】稱陳同佳最快10月出獄 林鄭李家超促盡快完成逃犯條例修訂

相關字詞﹕張建宗 香港報業公會 最佳新聞獎 報紙 編輯推介

上 / 下一篇新聞