港聞

【Emily Online】陳淑莊飛台灣 邵家臻留港開會 (19:08)

立法會議員公民黨陳淑莊(Tanya)同社福界邵家臻兩名「佔中九子案」嘅被告,被控「煽惑他人犯公眾妨擾罪」同「煽惑他人煽惑公眾妨擾罪」罪成,法官押後至本月24日先判刑。有讀者報料稱,今日早上喺飛往台灣嘅航班上見到Tanya,形容Tanya喺機上神情輕鬆。Emily就此問及Tanya,佢只確認身處台灣,其他問題就無回應喇。

至於邵家臻,Emily就見佢今日返咗立法會開會,佢話判罪當日已經帶埋本護照去法庭,以為會被沒收,但最後冇。不過,佢就冇選擇去旅行,佢解釋一來旅行癮唔大,同埋想留港處理佢心目中嘅「unfinished business」。

今日立法會開咗4節特別財委會,朝早嘅會同保安事務有關,阿臻話近三任懲教署署長都好難約到,今日開會終於有機會「直面」現任懲教署長胡英明,問到佢關於智慧監獄及釋前就業計劃等問題。到下晝嗰兩節同勞工福利有關嘅會議,阿臻都有出席,繼續履行議員工作。佢喺facebook度話問咗要問嘅問題,感到舒暢,都係種不錯嘅「休息」。

其他報道︰【逃犯條例】李家超:已向台方提見面商討 港府「相當心急」盡快通過修例

其他報道:下月再議免海外醫生實習 劉允怡:先逐次淘汰得票最少投票機制

相關字詞﹕佔中 佔中三子 佔中九子 佔中9子 佔中事件簿 佔中原因 佔中人士 佔中警察 佔領中環 佔中爭議 佔中影響 佔領意思 雨傘運動 雨傘運動新聞 雨傘運動學生 佔領運動 佔中案 佔中法庭 佔中人數統計 佔中新聞 佔中判刑 佔中案裁決 佔中九子案 佔中九子判刑 戴耀廷 陳健民 朱耀明 陳淑莊 邵家臻 張秀賢 鍾耀華 黃浩銘 李永達 編輯推介

上 / 下一篇新聞