港聞

【Emily Online.短片】政府fb愚人節搞作:任何仁開演唱會 貓星人現身天文台 (13:08)

政府唔同部門近年大力推廣自家facebook專頁,例如天文台、消防處同警務處等,相信佢哋唔少短片,大家都耳熟能詳。適逢今日4月1日愚人節,三個部門就分別上載短片,幽自己一默之餘,亦希望向公眾教育一啲重要信息。

其他報道:【香港再定位】科技園主席查毅超:創科不能閉門造車 合作才可持續發展 

天文台方面,平時認真報道天氣資訊嘅科學主任,一本正經地表示自己收到一位神秘觀眾寄來嘅短片,話係關乎大眾利益,要求天文台一定要廣播畀市民。原來,呢名神秘觀眾係「貓星人」,仲用Rap方式呼籲各位「愚蠢地球人」要保護環境,否則佢哋一眾族人會「全面撤出地球」。

至於消防處就出動咗當紅吉祥物「任何仁」。喺片段所見,「任何仁」聲稱自己要舉辦「四月天演唱會」,話呢場演唱會「有今生無來世」、「絕不加場」、「一票難求」等,又喺帖文附上Youtube鏈結,裏面係「任何仁」模仿周星馳《少林足球》經典片段嘅唱歌短片,可謂相當㜺鬼。

警務處方面,佢哋就邀請咗「四大天王」之一黎明拍片,宣傳反電話詐騙。片入面,黎明以錄音形式,聲稱自己被內地富婆操控,要求市民繳交贖金,但事實上,有關錄音係騙徒以手機程式僞造,借此騙取財物。

其他報道:【香港再定位】林鄭:香港將告別「High Tech 揩嘢」時代 大灣區提供無限機遇

其他報道:理大學生會外務秘書周同學:憂打壓學生運動合法化

相關字詞﹕愚人節 天文台 消防處 警務處 編輯推介

上 / 下一篇新聞