港聞

【Emily Online】議員投訴副局常自拍唔推銷政策 「官員訓練包括自拍技巧?」 (15:14)

新民黨主席葉劉淑儀今日喺立法會大會提出口頭質詢,問政府有無定期檢討副局長及政治助理職責同工作效率。唔同黨派議員對副局同政助都有投訴,話佢哋無好好履行職責。好似工聯會麥美娟就話,有副局長一晚跑幾場活動、典禮,但就只顧自拍,無把握機會向在場業界推銷政策,揶揄政治任命官員訓練係咪包括自拍技巧。負責回答嘅政制及內地事務局長聶德權話,「自拍我哋好多人都識」,佢話政策制訂係整體工作,但各政治任命官員分工偏重點各政策局唔同。

新民黨容海恩投訴,財經事務及庫務局自2017年10月以來有多項法案交上立法會,但相關官員從未接觸佢同葉太做游說工作。公民黨譚文豪點名投訴發展局政治助理馮英倫,話想約發展局長、副局長以至規劃署開會,馮英倫都推搪,譚文豪問﹕「政治助理權力係咪大過局長,最叻推啲議員?」

聶德權話唔評論個別情況,話同事好多工作都喺幕後做,但政策局同各持份者聯繫唔係一兩個人嘅工作,又話議員有意見可以隨時向政策局主動反映。對於政治助理係政治酬庸嘅質疑,聶德權話政府係以「用人唯才原則」,遴選係由聘任委員會負責,由特首主持。

其他報道:【麻疹爆發】陳肇始:衛生署增訂麻疹疫苗最快4月應用 預留麻疹疫苗予三群組

其他報道:【移交逃犯擬修例】美國眾議院議長關注:修訂逃犯條例影響在港美企利益

其他報道:陳方安生訪美 《環時》:告洋狀令人鄙視

相關字詞﹕政治任命官員 副局長 政治助理 自拍 聶德權 編輯推介

上 / 下一篇新聞