港聞

下一篇
上一篇

【Emily Online】張超雄問暫託服務 羅局長叫佢打社署熱線 (19:38)

工黨立法會議員張超雄早幾日扭親條腰,去立法會開會都要坐輪椅,其間佢問起,如果佢無支援,受傷入院,有乜電話、乜機構、乜服務,可以照顧佢個殘疾嘅女呢?點知勞工及福利局長羅致光就話,「手上無(嗰啲機構)電話號碼,但社區有服務隊」。

呢個答案當然滿足唔到在座嘅議員,社福界嘅邵家臻同公民黨嘅譚文豪接力追問,羅致光就話就算深夜打去支援熱線,都即刻安排到服務,仲話「好多單位有緊急暫託服務,大家可以上網睇」。

張超雄激氣到即刻話,「如果我喺扭傷腰、無支援,你喺街見我,你叫我上網摷電話?我點摷呀?你都講唔出乜嘢單位提供服務,你唔好老作啦,局長!」羅致光就打圓場話,如果大家唔知,可以打社署個電話,叫職員轉駁。

其他報道:【李東海小學教師墮樓亡】林老師家屬發公開信 促先總結死因 胞弟妹:為她自豪

其他報道:回歸至去年逾百萬單程證持有人來港 李家超:無意改變制度

其他報道:被指非禮女病人 男脊醫上訴得直

 

相關字詞﹕張超雄 羅致光 暫託 社署 編輯推介

上 / 下一篇新聞