港聞

下一篇
上一篇

【Emily Online.短片】未來數天料續有雷雨 天文台fb短片籲揸好把遮免篤眼篤鼻 (15:30)

昨晚一場雷雨令唔少夜歸嘅朋友都有啲狼狽,天文台話本港未來幾日受低壓槽影響,預料會繼續有驟雨同雷暴,於是今日喺facebook出片提醒大家,帶遮出街之餘仲要揸好啲把遮,如果唔係整親人哋、「篤眼篤鼻就唔好啦」!

天文台話本周餘下時間,呢度低壓槽會喺廣東沿岸地區徘徊,香港有雨之餘天氣亦比較涼,星期四、五(7、8日)預計最低氣溫跌到16度。到下星期初,本港就受一股乾燥嘅東北季候風影響,天色會好轉,早上天氣清涼。

近期影后葉德嫻(Deanie姐)提醒大家搭車要有公德心嘅短片,吸引唔少網民討論。天文台今日喺fb出片提大家記得帶遮時,除咗講咗句「#擔遮應該要考牌」之外,仲派出天氣家族嘅「度天隊長」同「雨點BB」提大家擔遮要小心時,搵埋Deanie姐幫幫手,喺hashtag度呼籲大家「#落雨顧自己都要顧人哋」,「#否則Deanie姐會出嚟提你」,最緊要記得遮住自己之餘都要小心唔好整親人呀!

天文台fb片段

其他報道:遞紙條圖劫銀行500萬失敗 44歲男子麻將館落網

其他報道:疑被黑幫點錯相 男子遭持棍漢圍毆受傷

相關字詞﹕天氣速遞 天文台 葉德嫻 deanie姐 天氣家族 度天隊長 雨點bb 雨傘 編輯推介

上 / 下一篇新聞