港聞

下一篇
上一篇

【Emily Online.短片】政協會議開幕 港區委員普通話成焦點 (13:37)

全國政協會議開幕,政協主席汪洋發表政協報告後,各政協小組今日喺小組會議討論報告;港區全國政協其中一個小組,今日早上就開放畀傳媒採訪。聽聽委員發言,唔少人都大讚報告內容踏實,又就政協工作、大灣區等,提出唔少建議。此外,各委員嘅普通話亦係記者留意重點,其中全國政協委員鄧日燊同邱達昌嘅發言,就令大家精神為之一振喇!

鄧日燊話,去年年底,全國政協組織咗一次針對機關人員嘅政協之行學習周,其中視頻學習部分更有豐富嘅內容。佢認為,全國政協推出呢種線上視頻學習方法很好,未來有必要組織推廣。

邱達昌就建議國家,可以參考深圳前海同珠海橫琴嘅經驗,實施「港人港稅」,以協助香港居民喺大灣區城市工作;佢又呼籲國家以人工智能同人臉識別等技術,加快通關速度,協助大灣區內人才快速流動。

其他政協委員普通話雖然無咁「突出」,但都提出唔少建議。好似政協委員李慧琼發言時就提到,要令香港青年「擁抱」內地,必須令佢地覺得便利,建議港人可以喺香港開內地銀行戶口,令大家開通到支付寶等。

相關報道:

汪洋回顧政協去年工作 鼓勵港澳委員旗幟鮮明反港獨

陳馮富珍:中國在傳染病防控工作引領全球

探月總設計師:中國今年底發射嫦娥五號 明年探測火星

相關字詞﹕兩會2019 鄧日燊 邱達昌 李慧琼 普通話 大灣區 編輯推介

上 / 下一篇新聞