港聞

【Emily Online】范國威聽預算案開電腦搵相 點解會係張栢芝? (19:08)

財政司長陳茂波今朝喺立法會宣讀《財政預算案》歷時接近兩個鐘,議員聽嗰陣未必完全專心,有議員疑似恰眼瞓,亦有人撳電話,其間新民主同盟范國威(Gary)嘅電腦熒幕搜尋頁面,出現多張藝人張栢芝嘅照片,部分較為性感,呢一幕就被Emily嘅攝影同事影到,同時亦見到佢搵財爺照片、牛隻照片,種類相當多元化,但Gary都冇撳入去睇啲相。

到底Gary搵緊啲咩會出現呢啲照片?Gary就解釋,新民主同盟嘅道具都係由佢製作,當時佢諗緊回應《財政預算案》嘅主題,所以喺Google搜尋咗「貓哭老鼠假慈悲」、「九牛一毛」等關鍵字,希望搵吓圖片製作道具,所以只係做緊公務。及後Gary喺記者會上回應預算案時,就以「基建揮金如土,民生九牛一毛」去做主題,但圖片就只有棒型圖,未見採用佢喺會議廳內搜尋嘅牛等。

Gary為表清白,更立即畀Emily睇,當時佢輸入「貓哭老鼠假慈悲」搜尋圖片時,喺較後頁數就出現咗張栢芝嘅性感照片,佢亦強調一出現唔關事嘅照片,已經立即碌走咗。

Emily其後都試過喺Google搜尋「貓哭老鼠假慈悲」,喺較後嘅相片的確出現唔少張栢芝嘅圖片。翻查報道,張栢芝幾年前曾經受訪,曾以「貓哭老鼠假慈悲」批評藝人陳冠希嘅言論。

財政預算案相關新聞:

預算案薪俸稅寬減 月入1.5萬、2.5萬、4萬慳幾多薪俸稅?

預算案重點一覽 哪些關你事?

預算案撥200億購60物業 建130社福設施

指投入資源再多難解決所有問題 陳茂波:港人勤奮靈活 遇強愈強

寬減薪俸稅差餉 綜援「雙糧」 有需要學生獲2500元 代繳DSE費用

預留4000萬元籌辦「精英學院」 培訓公職人員更創新推展工程

醫管局經常資助增逾7億元 預留100億元公營醫療穩定基金

相關字詞﹕財政預算案 財政預算案2019 財政預算案懶人包 財政預算案詳情 財政預算案工程 財政預算案新聞 財政預算案好處 財政預算案2019公佈 財政預算案2019-2020 預算案 預算案退稅 財政預算案派錢 預算案2019 預算案 寬免措施 2019財政預算案摘要 范國威 張栢芝 貓哭老鼠假慈悲 編輯推介

上 / 下一篇新聞