港聞

下一篇
上一篇

【Emily Online】容海恩女取名昌蔚 叫B女「選入會議廳」 (13:59)

上月產女嘅新民黨立法會議員容海恩(Eunice),今日帶埋尚未滿月嘅B女同記者茶敘,佢透露B女取名「昌蔚」,昌係跟爸爸袁彌昌,蔚就代表茁壯成長。Eunice形容B女細眼大鼻,似爸爸多啲。咁兩夫婦嚟緊會唔會追多個細佬妹呢?Eunice笑言,「湊掂一個先啦」,話等BB再大啲先諗。

Eunice話,今日係B女除咗去健康院外第一次出街,唔少議員都專程向B女派利市,送上祝福,Eunice希望B女茁壯成長,將來做對社會有益嘅大事。

餵奶方面,Eunice話現時唔係餵全母乳,坦言餵人奶好大壓力,自己「畀到幾多得幾多」,而爸爸由於負責餵夜奶,所以朝早要休息多啲,無出席茶敘。

現時立法會會議廳只容許議員進入,作為第一個任內誕B嘅議員,Eunice就建議立法會將來准許議員帶埋BB開會,如果BB騷擾唔到其他議員,立法會都應該容許。佢仲講笑話B女現時入唔到會議廳,「你第時自己選入去喇」。Eunice透露,自己今個星期六、即係B女滿月之日,已經會恢復落區,果然十分勤力。

其他報道:土地小組王坤批林鄭言論「哽耳」:反映對民意有多尊重

其他報道:【特首答問】輪候公屋新移民大增 議員籲遞表即審查資產 林鄭:曾嘗試處理但有困難

其他報道:【特首答問.大灣區】在粵港人跨境轉診 林鄭籲勿排斥:方便回港求醫

 

相關字詞﹕容海恩 立法會 袁昌蔚;編輯推介

上 / 下一篇新聞