港聞

【Emily Online】曾蔭權下月信仰演講 分享獄中感受和反省 (22:15)

上月中喺赤柱監獄刑滿出獄嘅前特首曾蔭權,近排多咗公開曝光,除咗早排嘅中聯辦新春酒會,早幾日又現身特首林鄭月娥喺禮賓府搞嘅新春酒會,不過佢喺呢啲場合就好少講在囚期間嘅事。之但係,佢已經應天主教香港教區主教座堂培育組嘅邀請,下個月會喺香港堅道教區中心,以「從信仰角度分享牢中的感受和反省」,做主題演講。

演講將會喺3月10號下晝兩點半到四點半舉行,有興趣嘅教友或市民,可以喺座堂經書架索取報名表格,或者喺網頁下載都得,填好之後喺主日交畀座堂親善大使,或者Email到cathedralformation@yahoo.com都得。不過,座堂無講明最多可以容納幾多人出席。

其他報道:【長者綜援門檻提高】社署料下月轉介60至64歲綜援長者覓工 不參加暫不設罰

其他報道:觀龍樓4死縱火案 鄰居:曾聞涉案兩戶爭吵 有人說過「信唔信我殺你全家」

其他報道:天文台料今年冬季氣溫創新高 冀市民珍惜冬天

相關字詞﹕曾蔭權 編輯推介

上 / 下一篇新聞