港聞

【Emily Online】警隊推「情人節超值套餐」防情緣騙案 天文台fb籲做好另類防曬 (13:10)

又到2月14日情人節,街上愛人一對對羡煞旁人,警隊不忘喺facebook鋪文,大推另類的「情人節超值套餐」,將各式各樣騙徒常用手段寫入菜單,提醒市民慎防情緣騙案,網民亦好受落,紛紛大讚有創意。

警隊今次套餐除咗頭盤係「異地心肝配花毒醬」同「仿磚葉配流王子迷暈沙律」,主菜與餐湯就有「毛影毛踪豬肋骨」、「迷你噓寒問暖酥皮湯」等,仲附有甜品「心太碎」。文中提醒大家如有懷疑的網上情緣騙案,記得要致電24小時防騙易熱線「18222」。

其實警隊都唔係第一次趁情人節提醒市民慎防騙案,前年試過以浪漫MV叫巿民小心網上購物騙案,由女輔警擔任女主角,當時就有網民話個樣激似藝人張栢芝。

至於一向親民的天文台度天隊長就化身邱比特,喺facebook發文講明「鼓吹談戀愛!」見度天邱比特身處「明愛.暗戀補習社」,話已準備好放愛情之箭,呼籲單身嘅網民到留言區,尋找失散嘅情人。天文台更hashtag提醒單身人士「#是日光害指數極高」,記得要做好另類防曬措施。

其他報道:【消委會報告】交友配對投訴升55% 港女付2萬元入會見面不果 遭再索2.5萬元影靚相

其他報道:再有買家未依法交印花稅 遭稅局追561萬元 貴過原先樓價

其他報道:【消委會報告】5台式飲品糖含量一杯超每日上限 百香果紅茶平均計最高

相關字詞﹕警隊 天文台 度天隊長 情人節 網上情緣 編輯推介

上 / 下一篇新聞