港聞

【Emily Online】警隊微博獲內地公安網民捧場 Twitter相對冷清 (11:27)

警隊噚日開設微博Twitter帳戶,巿民用香港警察喺微博,或用Hong Kong Police喺Twitter搜尋,就會搵到。據Emily所見,兩個帳戶中,微博嘅反應明顯好好多,截至今朝11點已累積超過5萬個粉絲;而佢發布嘅兩則帖文,更分別錄得超過5000和1.5萬個讚好。

相關報道:為內地人外國客 警隊開微博Twitter

就香港警察官方微博留言區所見,唔少內地網民都以經典港產警匪片或電視劇台詞和情節,慶祝香港警隊微博上線,例如「現在你們重案組總督察還是黃啟發嗎」、「我想知道laughing哥歸隊未」、「可以幫我接一下慈雲山警署PC11661方麗娟嗎」等等。

除此之外,有網民笑言「兄弟,你點解不叫平安香港」、「請問,香港記者和香港警察哪個跑得更快一點」、「轉評裏各種戲精上身,都是來對港片台詞的」。另外,亦有部分網民指「將佔中亂港的美奴西狗抓捕歸案」、「香港警察不是充當打手角色,而是執法」等。

另外,內地不少省市公安官方微博帳戶亦在留言區留言,例如廣州公安嘅「講好咗三年!三年之後又三年......等咗咁耐,你終於嚟啦」;海南警方嘅「這是我們新同事,大家歡迎一下,哪個誰,幫他冲杯咖啡」;深圳公安就話「歡迎老鄰居」;湖北公安又話「以前你沒得選,現在你可以當我粉絲」等等。

相比起微博,以英文為主嘅香港警隊Twitter專頁就顯然冷清得多。同樣截至今朝11點左右,只有大約500個跟隨者;而佢發布嘅4則帖文,最多讚好嘅一則亦只收到74個讚好。

其他報道:去年45警員被捕 多前年五成 一哥:或因貪心、不當性慾

其他報道:【預算案】尹兆堅:放寬按揭或逼人「接火棒」 質疑政府為地產商「托市」

相關字詞﹕警務處 微博 警察微博 公安 編輯推介

上 / 下一篇新聞