港聞

【Emily Online】消防處推任何仁揮春 無懼傳統大忌藍白色 (19:41)

消防處虛擬角色「任何仁」人氣持續高企,深受市民歡迎。為進一步令「任何仁」入屋,消防處推出任何仁揮春,同大家拜個早年咁話。Emily今日率先收到全套揮春,見到揮春上嘅卡通版任何仁係以傳統造型示人,分別戴帽同扎起雙髻春麗頭,非常盞鬼。不過,Emily諗深一層,覺得有少少唔妥,皆因創作班底之前話,任何仁係藍色,係希望突破傳統,唔用消防處慣用嘅紅色,但放喺揮春上,又真係有啲視覺衝擊,老人家同長輩可能未必接受到喎!

Emily即刻搵負責推出任何仁嘅部門問,負責嘅阿Sir就話,創作班底推出揮春,純粹想應節,本身都有考慮過喪事顏色藍白色嘅問題,但又覺得無理由將任何仁轉做紅色,最終決定無懼傳統大忌,keep住任何仁嘅原型,照推揮春!佢話,除非社會大眾有好熱烈嘅反應,先會考慮轉紅色咁話。阿sir仲話,呢套揮春稍後會免費派發俾公眾,之後會公布詳情。

佢仲透露,消防處之後甚至會推出更多任何仁product,例如座枱月曆,叫大家拭目以待!

其他報道:63歲父涉5度強姦親女 首次犯案時事主僅9歲

其他報道:港鐵荃灣線下半年轉用新信號系統 預告初期會有「陣痛」較多故障

其他報道:警方破倫敦金集團拘14人涉款6億 一港人損失逾億元

 

相關字詞﹕任何仁 編輯推介

上 / 下一篇新聞