目前九巴車隊有3900部巴士，近年九巴陸續購入新車「紅巴」行駛，但亦都有唔少係上一代車款嘅「金巴」。九巴話，會喺今年6月開始，陸續為車齡約8年嘅金巴「大裝身」，令呢批「金巴」可以好似新嘅巴士一樣。
九巴同Emily介紹時指出，首批會陸續翻新約270架巴士，先為呢批「金巴」嘅車廂翻焗漆油，更換座椅嘅椅套同埋全車地板，當中會選用淺色嘅地板，同埋啡色嘅全新座椅套，務求令到車廂「煥然一新」。另外九巴亦會重貼上落樓梯安全提示膠邊，以及更換扶手吊環，希望可以令車廂更整潔美觀，提升乘客嘅舒適度同安全。
其他報道：【繞道通車首工作天．多圖】直擊車輛「切3線」入繞道 險象環生