港聞

下一篇
上一篇

【Emily Online】星期六換三套衫走三場 林鄭巴士上語陳帆:好彩我噚日去咗剪頭髮 (23:20)

「好打得」嘅特首林鄭月娥,今日星期六都直落出席咗3場活動,朝早先出席中環灣仔繞道通車儀式,下晝就去咗路向四肢傷殘人士協會舉辦嘅「花轆Look嘉年華」,然後夜晚去香港島各界聯合會暨香港島各界社會服務基金會就職典禮。作為本港首位女特首,林太似乎都好注重形象,3場活動都分別着咗唔同嘅衫。

林太朝早出席繞道通車儀式時,同一眾嘉賓一齊搭開篷巴士率先使用繞道,佢着咗一套紫色套裝。搭巴士行繞道期間,佢仲撥咗一撥頭髮,同坐隔離嘅運房局長陳帆話,「好彩我噚日去咗剪頭髮,唔係實吹到亂晒。」陳帆似乎都有回應林太嘅說話,但就聽唔清佢講咗乜。

之後林太去出席「花轆Look嘉年華」,就換咗比較casual嘅大會T恤加高領針織衫。到咗夜晚,林太就換返其招牌旗袍look加卡其色外套。一日換3個look,都拍得住唔少新娘喺big day嘅情况,睇嚟林太真係好重視自己嘅特首形象同儀容!

其他報道:中環灣仔繞道明通車 林鄭憶曾處理清拆皇后碼頭 自言百感交集

其他報道:【圖輯】為建中環灣仔繞道被拆 皇后碼頭的前世今生

相關字詞﹕林鄭月娥 陳帆 中環灣仔繞道 編輯推介

上 / 下一篇新聞