港聞

下一篇
上一篇

【Emily Online】民主黨副主席街邊出橫額 「表揚」吳秋北「獨尊毛毛」 (00:28)

工聯會會長吳秋北上個月底話,毛澤東125周年誕辰,「這才是中國人的聖誕節」,一度惹來網上熱議。原本大家以為講完笑就算,估唔到民主黨副主席兼南區區議員羅健熙,仍興致勃勃將呢件事做話題,噚晚係利東港鐵站外掛起大幅橫額,以毛澤東及吳秋北圖片做圖像,列舉毛主席喺反右運動、大躍進同文化大革命期間,好多人受到逼害嘅事件。

羅健熙咁大陣仗咁揶揄吳秋北,話明係「為表揚吳秋北同志心繫共黨、獨尊毛毛」,所以先「謹奉獻六個橫額位置」畀吳秋北。羅健熙仲喺facebook自嘲話,「在21世紀欠缺愛黨情操的愚昧邨民簡介毛主席開天辟(闢)地的偉績。」

羅健熙仲落咗幾個hashtag,話「#毛誕才是中國人的聖誕」、「#毛主席具開天辟(闢)地的首創之功」及「#毛主席仙福永享壽與天齊」。

唔知道吳秋北見到民主黨人咁樣挑機,會唔會網上開火還擊呢?

其他報道:教徒投寄十字架往澳門遭拒 順豐致歉:屬運作失誤 目前沒有管制

其他報道:【長者綜援門檻提高】林鄭約晤建制派 明或宣布另推津貼「補鑊」

相關字詞﹕民主黨 羅健熙 吳秋北 工聯會 毛誕 聖誕 編輯推介

上 / 下一篇新聞