港聞

下一篇
上一篇

【Emily Online.短片】名人齊為醫護打氣 譚校長:支持你 英雄輝:守住呀 (20:52)

香港踏入冬季流感季節,公立醫院內科住院病牀日日爆棚,病人喺急症室輪候時間郁吓都幾個鐘頭,本來已經做到無時停嘅醫護同工作人員更加唔得閒,醫管局於是搵咗城中各界名人拍短片,為員工打氣。打頭陣嘅係殿堂級歌手譚詠麟同港足門將葉鴻輝,「譚校長」同「英雄輝」都齊齊話撐硬醫護。

醫管局呢輯名為「全城集氣‧為醫護打打氣」的名人短片,今日下晝上載喺醫管局YouTube頻道。譚校長喺短片裏面,先哼唱幾句,然後就呼籲醫護人員同埋喺醫院做嘢啲哥哥姐姐,要「保護自己、注意健康,我哋支持你」;然後又話,而家係流感高峰期,請市民做好防範措施。

至於葉鴻輝嘅片就短啲啲,一開波就對醫護同醫院工作人員話:「知道你哋喺醫院好辛苦,但一定要好似我咁守住呀!我哋成班兄弟同市民一定撐你哋!」

本港踏入冬季流感季節後,累計已錄得113宗嚴重流感個案、44人死亡,大家都要小心保重呀!

相關報道:

公院囑甲流病患「在家隔離」 醫生提醒家人三大注意事項

 

昨增21宗幼園、7宗小學流感爆發

相關字詞﹕流感 醫管局 譚詠麟 葉鴻輝 醫護 編輯推介

上 / 下一篇新聞