港聞

下一篇
上一篇

【Emily Online.短片】楊岳橋動議檢討單程證但不在席 梁君彥宣布休會 (17:58)

公民黨立法會議員楊岳橋(AY)原定今日提出議員議案,辯論檢討單程證政策。不過,勞工界議員潘兆平嘅檢討假期政策議案獲通過後,立法會主席梁君彥以提出動議嘅AY不在席為由,唔處理佢嘅動議,直接宣布休會。

梁君彥宣布唔處理楊岳橋個動議前,當時在席嘅民主派議員區諾軒話,已經起身要求點人數,點知都唔夠梁君彥快。區形容,今次係大家全體責任,唔可以怪任何人。一向關注單程證政策嘅新民主同盟范國威就話感到可惜,因為佢準備修正案都準備咗好耐,未來會考慮再就類似議題提議員動議咁話。

休會之後,AY先落到立法會會議廳附近,唔少建制派議員都圍住佢,民建聯劉國勳話自己準備咗發言,新民黨主席葉劉淑儀就話AY「撻Q」。

AY之後發聲明道歉,承諾日後唔會再犯相同錯誤。佢話嗰陣咁啱係政制及內地事務局長聶德權為《國歌條例草案》舉行記者會,佢抽時間喺立法會辦公室睇記者會電視直播,希望多啲了解以向公眾說明,因而錯過動議時間。佢承認疏忽大意,並向公眾、就議案提交咗修正案嘅議員,同埋準備就議案發言嘅同事,致以最真誠嘅道歉。

相關報道:AY擬年內提私人草案收緊單程證

其他報道:【國歌法】警方可於犯法行為2年內追究 本月下旬交立法會二讀

其他報道:法國擬禁蒙面示威 梁振英:旺角暴亂後香港也沒禁止 反對派批一國兩制限制自由有根據嗎?

相關字詞﹕楊岳橋 單程證 梁君彥 編輯推介

上 / 下一篇新聞