港聞

下一篇
上一篇

【Emily Online】迪士尼首個蟻俠與黃蜂女遊樂設施3月底開幕 乘「戰車」擊退機械蟲軍團 (17:39)

Emily聽聞,香港迪士尼樂園今日公布,全新主題互動遊樂設施「蟻俠與黃蜂女:擊戰特攻!」將於今年3月31日開幕。呢個令Marvel同迪士尼迷期待已久嘅新設施,將會係全球第一個以蟻俠與黃蜂女為主題嘅遊樂設施𠻹。

其他報道:全球首間大富翁館空降太平山 訪客有得入「銀行」執錢

呢個新設施將會係「鐵甲奇俠飛行之旅」嘅延續,以香港迪士尼明日世界「史達科技展」做背景,邪惡組派出幾千隻機械蟲軍團入侵「神盾局科技館」。玩家和同蟻俠同黃蜂女一齊合作,以縮細到似蟻嘅視覺,坐上神盾局最新研發嘅「突擊」戰車,手持「電磁脈衝槍」,打低壞人同機械蟲軍團!

Emily今日同華特迪士尼幻想工程創意監製戴司涵(Dale Sheehan),同埋高級創意總監湯傑斌(Bryan Thombs)傾過,佢哋率先透露今次新設施用到3D技術做場景設計,一入場後,玩家嘅故事設定係睇展覽,點知警報一響,發現展覽要取消!玩家除咗要幫手「縮小」打低機械蟲軍團,仲可以同同伴互相比拼鬥高分!

另外,故事用香港做背景,會係其中一大特色!電影中飾演蟻俠與黃蜂女的保羅活特和伊雲祖蓮莉莉會亮相,同玩家一齊體驗投入Marvel超級英雄世界。聽講二人嘅對話更會有香港本土味道!

佢哋又靜靜雞話畀Emily知,呢個新遊樂設施一如Marvel風格,入面會有彩蛋㗎!不過佢就唔肯講係乜,留返畀玩家自己發掘啦!

其他報道:看雲海要留意露點溫度 天文台教你點影好

其他報道:城巴獲准平均加價7% 新巴加5.6% 本月20日起實施

相關字詞﹕迪士尼 marvel 蟻俠 黃蜂女 神盾局 編輯推介

上 / 下一篇新聞