港聞

下一篇
上一篇

【Emily Online】警察消防合拍片講除夕倒數安全小貼士 任何仁驚喜客串 (15:35)

今日是除夕,不少市民都會外出倒數,警隊同消防處就喺facebook上載跨部門合作拍攝嘅短片,提醒大家倒數時注意嘅安全小貼士,萬一有需要報警,就要講清楚事發地點,同埋有冇受傷等,其中消防吉祥物「任何仁」更客串,驚喜亮相。

相關報道:除夕多區封路 公共交通延長服務時間 港鐵通宵行駛

片中男主角阿強,同埋女友、世伯、伯母一齊飲茶,阿強同女友打算今晚一齊去倒數,而世伯、伯母則化身為阿sir同madam,即場考核阿強,要佢「過三關」,睇下阿強喺除夕夜,可唔可以保護到自己嘅囡囡。

阿強得到任何仁嘅幫助,順利過關,包括:見到火種要「識滅火」、受傷時要「識自救」,同埋見到人發生衝突時,識得如何處理等。

其他報道:海航入稟 追港航咨詢服務有限公司8.5億元債券欠款

其他報道:市建局六二折首置盤「煥然懿居」 下月3日接受申請 最平314萬元

其他報道:審計署長退休 副署長接任

相關字詞﹕除夕 倒數 消防處 警隊 任何仁

上 / 下一篇新聞