港聞

下一篇
上一篇

【Emily Online.短片】民建聯年度漢字 「順」字奪冠 (12:23)

民建聯由2013年起,每年都會舉辦年度漢字評選,今年由「順」字奪冠。喺總共18,612名投票者中,「順」字得到5838票;緊隨其後分別係「民」字同「樓」字,分別得到2998同1821票。

立法會前主席曾鈺成話,唔同市民選擇有唔同標準同睇法,有啲人會用嚟表達期望,例如「樓」字係大家都想解決嘅問題、「民」字反映市民對民生有期望;另外有啲人可能覺得反映當年情況,例如去年嘅「貴」字、前年嘅「亂」字,相信市民係覺得反映現實。

對於今年榜首嘅「順」字,曾鈺成就話一來個個都想順啲,二來佢又引述立法會現任主席梁君彥話,覺得今年行政立法關係有改善,可能市民都覺得順咗。佢又引經據典,話「順」字代表如果唔順民情,就無法治理社會咁話。

民建聯副秘書長葉傲冬就話,「地」、「通」、「風」字喺投票初段一直領先,相信因為市民關注土地、多項基建通車,同埋超強颱風「山竹」襲港等事件,但最後都係不入三甲。

其他報道:廣華威院急症室輪候逾8小時 內科病牀爆滿 將軍澳醫院最嚴重

其他報道:檢討報告倡八大附屬校分家 理大自資校院長憂課程審批時間長

其他報道:李慧琼稱外聘律師意見非金科玉律

相關字詞﹕民建聯 年度漢字 編輯推介

上 / 下一篇新聞