港聞

下一篇
上一篇

【Emily Online】印月曆被當廢紙賣 范國威:感嘆香港多貧窮基層 (21:06)

年尾又係各個政團向街坊派發月曆嘅時候,有網民就喺fb上載照片,顯示多本新民主同盟立法會議員范國威(Gary)派發嘅月曆,疑似被棄置。身在外地嘅Gary同Emily講,相信佢啲月曆唔係被棄置,而係有長者重複排隊拎完佢嘅工作報告同月曆後,賣畀廢紙回收站。

其他報道:吳秋北:中華民族復興角度 毛主席具開天闢地之功 不知崇仰偉大人物是「奴隸之邦」

Gary引述有街坊報料佢聽,話見到有長者拎完佢啲工作報告同月曆後,賣畀廢紙收賣站。佢話今年一共印咗幾萬本月曆,估計每個議員不時派發嗰啲單張、工作報告或者月曆,都有大約3%至4%,畀人拎去賣畀廢紙回收。佢就曾經勸喻過啲重複攞工作報告嘅公公婆婆,叫佢哋唔好拎第3次;仲話早上見到公公婆婆拎住環保袋、好似見到寶咁走埋嚟攞單張,有時都會心感不妙。

讀設計出身嘅Gary仲相當熟行情,話月曆內頁只係128g嘅啞粉紙,燙金福字塊卡紙就係兩張350g雙粉卡貼埋一齊,所以塊卡紙先最值錢咁話。

Gary透露,一本月曆印製成本大約4.5元。對於月曆畀人咁樣處置,佢話有少少難受;另外佢亦都有啲無奈,因為派發工作報告,係議員交代工作嘅一個重要途徑,但冇辦法阻止公公婆婆攞去賣。同時佢都感嘆話,香港有好多貧窮基層。

其他報道:新智能身分證今起換證 可網上預約 85、86年市民換證期至3月30日

其他報道:「佔旺」無家者減刑至13天 上訴庭:原審法官出錯 判刑異常

相關字詞﹕范國威 月曆 廢紙 回收 編輯推介

上 / 下一篇新聞