港聞

【Emily Online.短片】任何仁一家過聖誕 「小小任何仁」露真面目 (16:29)

今日係平安夜,香港消防處喺facebook上載咗任何仁一家佈置屋企,預備過聖誕嘅片段,祝「任何人聖誕快樂」,片入面仲有「小小任何仁」揭開藍色面紗露出真面目,小朋友個樣都好可愛㗎。

其他報道:鄭若驊祝大家平安喜樂

Emily睇片見到任何仁屋企放咗好多聖誕裝飾,佢哋一家人一齊佈置聖誕樹期間,聖誕老人撳鐘放咗份聖誕禮物畀佢哋。「小小任何仁」喺片尾拆開放喺聖誕樹下嘅禮物,發現入面原來係個滅火筒,就拎住佢嚟同大家講多次「Merry Christmas」。

消防處就幫條片加上點樣安全過聖誕嘅提示標籤,提醒大家臨瞓或出街前,記得熄晒屋企嘅燈飾,可以用LED蠟燭代替傳統蠟燭,最緊要係「#拖板唔好駁上駁」,咁就可以安全開心咁過聖誕喇。

除咗消防處同任何仁,天文台都應應節,送咗份聖誕禮物畀大家——推出咗一套「度天隊長聖誕限定版」WhatsApp Stickers,大家有興建的話可以去呢度下載:https://whatsticker.online/p/130624UPxwzCi/HK

天文台仲提醒大家,雖然聖誕假期天色會好轉同回暖,但今個星期後期,氣溫會顯著下降,大家都要好好保重呀!

其他報道:【再凍啲】元旦前後連續4日低見11度 菲律賓以東低壓區逐漸發展

其他報道:【紅磡站工程問題】港鐵:禮頓表現令人失望 強調施工「有偏差」不代表螺絲帽承托力不足

相關字詞﹕消防處 任何仁 聖誕節 天文台 編輯推介

上 / 下一篇新聞