港聞

下一篇
上一篇

【Emily Online】聶德權伙同事商場合唱聖誕歌 盼市民多與身邊人相聚 (15:27)

聖誕佳節將至,政制及內地事務局長聶德權帶埋十幾位同事,應「兒童發展配對基金」邀請到中環置地廣場唱聖誕歌。雖然局長謙稱唔識唱歌,但佢同同事都唱得有板有眼。聶德權形容,聖誕節係關心身邊人嘅節日,希望大家多同身邊人相聚溝通,唔好只以WhatsApp或微信等通訊軟件聯繫咁話。

其他報道:郭榮鏗:美國政界憂慮香港成「白手套」 反駁林鄭 籲「攝高枕頭諗清楚」

聶德權同一班同事,先同20名小學生合唱《Jingle Bells》同《We Wish You a Merry Christmas》兩首聖誕歌。小學生離開後,佢哋就再表演多5首歌,可謂「高音甜、中音準、低音勁」。有局方人都同Emily笑言,唱歌呢班同事唔係隨便搵番嚟,係真係識唱歌㗎。

兒童發展配對基金近年都有舉辦演唱聖誕歌活動,邀請唔同人參與,目的係鼓勵基層下一代。聶德權話,自己以前做社會福利署長時,都參加過基金舉辦嘅演唱,形容青年係社會未來棟樑,政府同社會都需要鼓勵佢哋,提供一個好環境畀佢哋成長同發揮。

其他報道:【曾蔭權終極上訴】終院批許可 明年5月14日開審

其他報道:開鑿首處3鋼筋 扭入絲帽少1/4 絞牙外露超兩圈 全不符標準

 

相關字詞﹕聶德權 聖誕節 聖誕 聖誕歌

上 / 下一篇新聞