港聞

下一篇
上一篇

【Emily Online】陳肇始買熊仔 送畀兒童醫院小病友過聖誕 (17:45)

食物及衛生局長陳肇始個社交網站,今日出現咗10隻排排坐嘅可愛熊仔,佢哋全部等緊小朋友領養!Emily聽聞,原來因為聖誕節臨近,陳肇始前排就專登落街,想搵禮物送畀香港兒童醫院啲小病友,喺路上見到咁可愛啲熊仔就扑鎚買,仲親手寫上一張一張小賀卡,送上祝福。聽聞陳肇始會將呢10隻熊仔交畀兒童醫院,由院方安排送畀小病友,佢希望小朋友收到之後又開心,又會感受到聖誕暖意。

Emily見到同款公仔喺IKEA有售,賣9.9元一隻,高21厘米。網頁話,呢款泰迪小熊心口有個大大愛心,擅長擁抱、安慰、傾聽。唔知係咪陳肇始送畀小病友嘅原意呢?

香港兒童醫院噚日開始投入服務。陳肇始喺社交網站話,兒童醫院開幕,為香港兒科醫療服務揭開新一頁,小朋友雖然病咗,但有醫護哥哥姐姐同屋企人們悉心照料,一定可以早日康復,呢個就係最佳嘅聖誕禮物。

陳肇始話,作為一個兒科護士,可以睇到兒童醫院投入服務,有一種「夢想成真嘅感動」,自己能為小病友送上小祝福,亦係佢嘅榮幸。

相關報道:兒童醫院正式啟用 首名覆診病童指醫院感覺舒服

其他報道:【短片】涉旺角高球桿追打街邊黑狗 五旬漢涉殘酷對待動物被捕

其他報道:【港鐵4線故障】港鐵指當4宗事故計算 按機制罰800萬元

相關字詞﹕emily online 陳肇始 兒童醫院 熊仔 聖誕節 聖誕

上 / 下一篇新聞