港聞

下一篇
上一篇

【Emily Online】陸頌雄買華為平板送媽媽:愛,毋須講太多 (15:09)

華為首席財務官(CFO)孟晚舟喺加拿大被捕之後,唔少建制派議員都表明支持國貨,支持華為。繼早前新民黨主席葉劉淑儀買咗華為手機,捐畀黨內做聖誕派對抽獎禮物,工聯會立法會議員陸頌雄早幾日都買咗華為平板送畀媽媽,仲話「係愛呀,毋須多講」。

陸頌雄喺facebook發帖,話上星期買咗一部國產平板送畀媽媽,「算係一份心意」。陸頌雄仲話坊間唔少數碼產品價格好似海鮮一樣,相機、手機,仲有平板電腦,一唔覺意就會買貴咗,所以每逢工作之後,就會順道格價。最尾仲話「愛,毋須講太多,有時一份心意,已足夠」,仲指明呢一句係「雙關」,唔知指咩呢?

有網民就留言問部機係唔係中國製造,陸頌雄就話「菊花廠嘅嘢,應該全部中國製造了」。亦有人用簡體字留言問:「親,是我國的雲OS(阿里雲OS)系統嗎?」另有人留言話Android喺外國產品,「要剷埋佢先用得呀!」

話時話,媽媽有禮物,點會少得爸爸嗰份,陸頌雄就透露:「老竇另有驚喜。」

其他報道:【Emily Online.短片】葉劉買華為新機 捐出抽獎自用三星:免製電子垃圾

其他報道:【華為孟晚舟案】七抨美加 《環時》:中國後手牌很多 批傲慢無禮是破壞國際秩序癌擴散

其他報道:【七一遊行】警跟蹤拍攝持「港英旗」示威者逾39分鐘 民權觀察批違守則將投訴

相關字詞﹕華為 工聯會 孟晚舟 陸頌雄 編輯推介

上 / 下一篇新聞