港聞

【Emily Online】曼聯三名宿做隊友 田北辰「迪基亞」上身 (18:37)

九龍塘聯校運動中心今午星光熠熠,因為英超球隊曼聯三位名宿訪港,佢哋分別係曼聯前隊長維迪(Nemanja Vidic)、韓國國家隊前隊長朴智星,及瑞典左翼布隆基斯(Jesper Blomqvist)。三位名宿夥拍「辰隊友」、立法會議員田北辰(田二少),同100名小三至小五級學生同場踢咗一場波。「辰隊友」雖然有球星壓陣,但八腿始終難敵成百個學生,最終以1:2落敗。

今次呢場「関西塗料足球挑戰賽」陣容龐大,田二少既然唔夠三球星好波,今日就串演龍門,仲一身曼聯神龍「迪基亞」裝扮上場。面對百名學生來勢洶洶,田二少雖已「戴頭盔」先叫啲小朋友腳下留情,點知佢哋話目標係入100球!班小朋友仲好出力踢,搞到田二少一把年紀,都要瞓身落地擋波,好彩有幾位神級隊友頂住,最終都係僅負一球。

贏輸唔緊要,最緊要都係一班小朋友可以見到球星,又踢得開心。

其他報道:【Emily Online.短片】林鄭購物清單一覽 買臘味花1500元

其他報道:【UGL事件】林卓廷斥律政司未尋獨立意見 梁美芬讚「有膽」願承擔

相關字詞﹕田北辰 曼聯 朴智星 維迪 布隆基斯

上 / 下一篇新聞