港聞

【Emily Online.短片】葉劉買華為新機 捐出抽獎自用三星:免製電子垃圾 (10:18)

華為首席財務官(CFO)孟晚舟喺加拿大被捕之後,前保安局長、新民黨主席葉劉淑儀早幾日話會改用華為手機。到噚晚,佢喺facebook話自己買咗華為手機,但就唔係自用嘅,而係捐畀新民黨聖誕派對做抽獎禮物。

葉太噚晚喺fb上載一條自己親自去時代廣場買手機嘅片,話為咗支持華為,所以自己出錢買咗價值6888元嘅Mate 20 Pro。葉太又引述店員話,呢部手機「效能十分出眾」,「手機內主要晶片也是由華為自行研發」,而且好受歡迎,「他們也只賣剩一部呢」。

買完機之後,葉太話原本諗住自用,但想到自己用緊嘅三星手機仲用得,故「為免浪費、製造更多電子垃圾」,決定將部機捐畀新民黨做聖誕派對抽獎,「看看到時哪位幸運的同事能夠獲得這份價值$6888的聖誕禮物吧」。唔知中獎嘅同事點諗呢?

葉太之前話過,除非冇替代品,否則通訊器材方面都會盡量避免用美國貨,「所有美國貨都係危險嘅」。有網民見到葉太買華為手機,就問葉太知唔知華為嘅作業系統Android,都係由美國公司開發。

亦有網民話,願意接收葉太用緊嘅三星手機,等葉太可以用華為,又質疑:「妳送電話畀其他人,咪一樣令其他人換電話,製造更多電子垃圾。為何買之前不多考慮需要性才買?」另有網民讚葉太「支持國貨」、「識貨 」。

葉劉:美國貨危險 黎棟國:小米平靚正

其他報道:加國貿團取消訪華 日台加入不購華為

其他報道:內地公司撐華為 員工買華為機補貼15% 購iPhone「100%處罰」

相關字詞﹕華為 葉劉淑儀 編輯推介

上 / 下一篇新聞