港聞

【Emily Online.短片】經民聯6周年晚宴 林鄭同司局長合唱籌1000萬 (21:32)

經民聯今晚舉行6周年晚宴,喺海洋公園萬豪酒店延開80席。出席主禮嘅特首林鄭月娥、中聯辦副主任譚鐵牛,仲有一班司局長齊齊上台合唱《獅子山下》,為經民聯籌得1000萬。林太都有大開金口,而Emily就留意到最肉緊唱歌、仲要十分陶醉嘅係發展局長黃偉綸,仲要不時遞咪畀企喺佢身邊嘅局長唱歌。而商務及經濟發展局長邱騰華就喺台上自拍。

經民聯監事會主席林建岳喺席間公布,工業界立法會議員吳永嘉(Jimmy)加入咗經民聯,仲擔任副主席𠻹!即係經民聯而家有8位立法會議員。Jimmy上台話好開心可以入黨,同咁多位經民聯成員一齊打拼,又話自己不嬲同經民聯理念好接近,覺得入黨之後可以學到好多嘢。Jimmy入黨之前密不透風,佢笑言自己都係上個禮拜先決定,畀咗二百蚊入會。一入黨就做副主席,佢話個個立法會議員都係副主席呀。

林建岳致辭時話,經民聯成立6年來,積極搭建香港工商界、專業界同政府、市民溝通嘅橋樑,用務實態度同各界合作。佢又話,香港未來需要更積極融入國家發展大局,以大灣區同一帶一路作為平台,發揮「香港所長」對接「國家所需」。

經民聯主席盧偉國致辭話,經民聯係非常關心民生,係「貼地、貼心、貼近你」嘅政團,繼續秉持「工商帶動經濟、專業改變民生」,做愛國愛港政團,代表不同階層發聲,擁護《基本法》、一國兩制,支持特區政府依法施政。

其他報道:投訴警察課首11個月收1354宗投訴 毆打投訴增23%

其他報道:米芝蓮2019美食推介出爐 「請坐」台媽新店「吃什麼」上榜 店主哽咽感激

其他報道:加拿大智庫全球人類自由指數 香港第3 台灣第10 大陸排135

相關字詞﹕經民聯 編輯推介

上 / 下一篇新聞