港聞

下一篇
上一篇

【Emily Online】葉劉:美國貨危險 黎棟國:小米平靚正 (10:31)

華為首席財務官(CFO)孟晚舟喺加拿大被捕一事不單引起外交角力,喺社會上仲掀起中外手機品牌之爭。前保安局長、新民黨主席葉劉淑儀話自己用緊三星手機,但未來都會轉用華為,仲話通訊器材「用所有美國貨都係危險嘅」;而該黨副主席黎棟國兼又係前保安局長嘅黎棟國就話自己用咗小米手機好耐,大讚「平靚正」。

【獨家】SKYCOM域名由華為登記 登記人與華為律師同名 華為律師:我不方便回答你

葉太今朝喺港台節目上話,就算撇除孟晚舟事件,華為手機都十分受歡迎,而佢自己而家用緊三星,「我唔會用蘋果,覺得唔係好安全」,未來換手機嘅話都會轉用華為,「支持呢間表現非常好嘅公司」。佢又話除非冇取代品,否則通訊器材佢都會盡量避免用美國貨,因為「從安全理由嚟睇,用所有美國貨都係危險嘅」。至於點解危險呢?葉太就話,因為美國當局有權監察手機,而政治人物都會有敏感通訊,所以用國產軟件硬件會安全啲。

無獨有偶,黎棟國今朝喺商台節目被問到會唔會聽葉太呼籲轉用華為,佢話「我就用小米好耐架啦,因為佢平、靚、正」。仲話自己唔係賣廣告,又話以前都用過蘋果手機。

相關新聞:

環球時報評孟晚舟案 指美加對中國公民作惡

加拿大貿易團取消訪華 美稱孟晚舟案無礙貿易談判

歹徒圖闖孟晚舟溫哥華物業 警調查暫無人被捕

 

相關字詞﹕華為 孟晚舟 黎棟國 小米 國貨 編輯推介

上 / 下一篇新聞