港聞

下一篇
上一篇

【Emily Online】單仲偕重出江湖 任民主黨司庫 (23:31)

民主黨喺剛過去個星期日(2日)改選中委會,新一屆中委會今晚舉行首次會議,並互相選出主要職位。原本擔任司庫嘅中委袁海文,因為要專注讀書同湊女,無再競逐司庫一職,結果互選後由黨元老單仲偕重出江湖,成功當選司庫掌管民主黨財政,秘書長就由張賢登連任。

民主黨當日改選中委會後已表明,未來兩年會聚焦區議會同立法會換屆選舉工作。據了解,負責統籌該黨選舉事宜嘅選舉委員會,正副主席將繼續由李永達同單仲偕出任,成為該黨未來兩年嘅選舉舵手。

民主黨主席胡志偉周日評論未來選戰時話,希望民主黨未來可以「從地區贏回影響力」,透過地區工作,挽回選民無力感,透露該黨明年區議會選舉會派更多年輕人參選。但胡志偉都講明,相信選民唔會只因參選人年輕而投票,選民更著重嘅會係參選人嘅努力同承擔。

其他報道:【何志平七項罪成】林卓廷懷疑另有港公司涉案 促廉署調查

其他報道:【朱凱廸被DQ】曾鈺成:選舉主任要求超出鄉郊代表條例規定

相關字詞﹕單仲偕 民主黨

上 / 下一篇新聞