港聞

下一篇
上一篇

【Emily Online】鄺俊宇初任主席 發言後多謝自己 (22:33)

民主黨立法會議員鄺俊宇(鄺神),喺今個立法年度做咗福利事務委員會主席。但原來,鄺神雖則做咗10年有多嘅元朗區議員,但之前一直無主持過任何會議,所以福利事務委員會係佢做主席嘅初嘗試。

其他報道:【短片】朱凱廸:接當局來電 今晚其參選選區村代表選舉抽籤須押後

鄺神話,一時唔記得咗主席就係自己,有次開福利事務委員會,發言質詢完官員之後,好似平日咁加番句「多謝主席」;到發現唔對路後,就補番句「我話我多謝自己」。鄺神話,知道個手語翻譯員聽完都忍唔住笑,但都照幫佢翻譯嗰句自己多謝自己。

鄺神話,作為主席,召開咗人生首次嘅特別會議,討論政府將職業訓練局轄下嘅展亮技能發展中心用地,發展為公務員學院,認為都算係開咗個好頭,令事件得以推進。

下年就係區議會選舉,鄺神話自己個「北朗」選區,被建制派「重點招呼」,有人疑似想挑戰。雖然立法會事忙,但鄺神話自己都會返元朗開街站,派單張畀街坊,佢爭取多年嘅朗屏天橋升降機都快將落成。佢話,企喺港鐵朗屏行人天橋派單張,通常只係一個鐘就已經派出1000份,仲有街坊會排隊拎,令佢好感動。

鄺神目前仲身兼扶貧委員會委員,佢話未來一年希望主力做多啲長者福利,例如推動長者卡嘅優惠革新,擴大長者可以獲得優惠嘅店鋪咁,令到「一卡可以通行」多間鋪頭。

其他報道:【九西補選】李華明:李卓人勞工形象難吸中產票 港獨本土從不視為同路人

其他報道:【佔中9人案】陳健民:原擬集會3天後額外非法逗留多3日 「短暫干預社會可接受」

相關字詞﹕鄺俊宇 鄺神

上 / 下一篇新聞