港聞

下一篇
上一篇

【Emily Online】柯創盛關心疫苗問題 食衛副局徐德義「已讀不回」? (22:15)

台灣食品藥物管理署日前公布,藥廠賽諾菲巴斯德(Sanofi)兩批三價及四價流感疫苗,分別被檢查到有黑色同白色懸浮物,本港已注射7.5萬劑涉事疫苗。事件一曝光,各方即刻人心惶惶,民建聯立法會議員柯創盛亦唔例外,一來佢早前喺立法會有注射疫苗,二來唔少地區人士都有舉辦注射疫苗活動,於是佢即刻向食物及衛生局副局長徐德義查詢,不過過咗足足一晚,對方都冇覆佢。

柯仔忍唔住大呻,徐德義成日都「已讀不回」,好似只有佢單向溝通咁。佢強調,問責官員冇理由唔回應查詢,就算只係覆句「OK」或者「收到,會跟進」,其實都已經舒服啲。佢又讚部份副局都覆得幾快手,例如民建聯黨友嘅勞工及福利局副局長徐英偉。

柯仔仲相當擔心,徐德義係咪嫌佢煩、已經封鎖咗佢?不過Emily睇過,柯仔發出嘅訊息有兩個「剔」,相信仍然安全,冇畀人封鎖。

柯仔其後話,經過傳媒即時報道之後,徐德義今晚6點幾終於有回音,先為唔覆機致歉,又確認立法會打嘅疫苗並非受影響批次。

其他報道:【流感疫苗現懸浮物】陳肇始:來港批次未有懸浮物報告

其他報道:【Emily Online.短片】陳凱欣「突破界限」? 帶家人入立法會影相被請離場

其他報道:【基因改造嬰】賀建奎現身港大演講 基改嬰消息後首公開露面

相關字詞﹕流感疫苗 食衛局 柯創盛 徐德義 疫苗

上 / 下一篇新聞