港聞

下一篇
上一篇

【Emily Online.短片】陳凱欣「突破界限」? 帶家人入立法會影相被請離場 (13:38)

剛履新的立法會議員陳凱欣今日宣誓,父母同丈夫邱文華都特意嚟見證佢呢個重要時刻,其間發生一段小插曲。

相關報道:陳凱欣立法會宣誓就任 稱擁護基本法效忠特區

話說一見到陳凱欣家人,攝影記者當然不斷影相。但係根據指引,議員訪客並唔能夠喺立法會大樓內受訪,所以立法會職員都馬上請阿欣家人離開,最終佢哋只能夠喺大樓入口外面影相。其間阿欣影相時有兩聲咳,爸爸都輕拍佢膊頭,場面溫馨。

根據立法會《採訪指引》第24段,傳媒只能夠喺立法會外面訪問公眾人士,阿欣被請離場之後就話,因為想遵守規則,希望大家可以將立法會大樓內影嘅相「抹咗佢」。

到底阿欣今次係咪「突破界限」呢?阿欣助手解釋話,因為阿欣啱啱履新嘅關係,立法會未畀指引佢哋;Emily聽攝記同事講,助手一早同佢哋講阿欣會帶家人落嚟,所以佢哋先擺好陣預備,仲話係阿欣拉媽咪過嚟影相。

睇番《立法會綜合大樓議員辦事處使用指引》,喺立法會或其轄下委員會舉行會議期間,議員訪客除了到訪2樓觀景廊或2樓或3樓公眾席外,不可進入會議場地所在的樓層(即立法會綜合大樓1樓或2樓)。

立法會秘書處之後就回應話,經過了解後,事件係保安人員同陳凱欣喺言語之間有誤會而引起,秘書處事後已向陳解釋有關規定。根據立法會行政管理委員會早前決定,喺立法會或者其轄下委員會舉行會議期間,議員訪客唔可以進入會議場地所在的樓層,即係立會大樓一樓或二樓。

其他報道:【基因改造嬰】賀建奎現身港大演講 基改嬰消息後首公開露面

其他報道:【何志平涉賄案】塞內加爾前外長:何送200萬美元現金禮盒屬行賄 但未親眼目睹

其他報道:【流感疫苗現懸浮物】陳肇始:來港批次未有懸浮物報告

相關字詞﹕emily online 陳凱欣 立法會 編輯推介

上 / 下一篇新聞