港聞

下一篇
上一篇

【Emily Online.短片】天文台何解隸屬商經局? 台長拍片話你知 (17:26)

近年天文台掛風球同暴雨警告嘅決定,不時受市民質疑。當中有人認為,少掛黑雨同八號或以上風球,係因為天文台隸屬商務及經濟發展局,所以唔想掛呢啲信號令市民唔使返工,「影響經濟」。天文台長岑智明喺最新一集《氣象冷知識》「天文台全民歷史研習班」入面,就解釋咗天文台隸屬商經局嘅真正原因。

台長話,成立於1883年嘅天文台,當初開台時,提供嘅服務包括氣象觀測、地磁觀測同埋觀象授時,氣象、地磁同授時因此被統稱為「開台三寶」。由於天文台早年量度地磁,目的係畀船長調準船上嘅指南針,同觀象授時一樣係服務航運,同當時香港嘅經濟活動息息相關,所以天文台發展到今日,歸入咗商經局管轄,原因同歷史都好有關係。

岑智明仲提醒大家,天文同氣象係兩回事,香港天文台早期工作除咗觀測氣象,仲會觀測天象嚟授時;加上嗰個年代好多地方嘅同類機構都係叫做「天文台」,所以香港天文台就一直叫做「天文台」,而唔係好似而家好多國家同地區咁叫做「氣象台」。

其他報道:展亮中心讓路公務員學院 林鄭稱將重置加強版校舍求雙贏

其他報道:醫生之子可仁以外 尚有待援病童 女患神經母瘤 父辭工程師一家陷困

相關字詞﹕天文台 氣象冷知識 商經局 岑智明

上 / 下一篇新聞