港聞

下一篇
上一篇

【Emily Online.多圖】30議員接種流感針 陳肇始:應登記埋器官捐贈 (12:34)

冬季流感季節即將來臨,為咗推廣接種流感疫苗嘅信息,衛生署今朝派護士到立法會為議員打流感針,約30個議員輪流接種。到場支持嘅食物及衛生局長陳肇始,呼籲無論高危定健康人士,都要及早接種流感針,因為打針係預防流感嘅最好方法。陳肇始同議員言談甚歡,更半講笑建議議員應該登記埋器官捐贈。

陳肇始話,每年1月至3月都係流感高峰期,呼籲市民及早打針預防,衛生署至今已打咗超過59萬劑流感針,比去年同期上升五成,相信原因係市民更加知道打針嘅重要性。立法會主席梁君彥話,自己過去幾年都有接種流感針,覺得好有效,佢話《議事規則》雖然無規定要打針,不過都見到好多議員踴躍接種。

懷有身孕嘅新民黨容海恩(Eunice)打針時成為全場焦點,陳肇始輕搭佢膊頭,醫學界議員陳沛然亦在旁打氣,不過同Eunice同一時間打針嘅經民聯盧偉國就扮「呷醋」,講笑話傳媒個個都影Eunice打針唔影佢,畀Eunice搶晒鏡頭咁話。

其他報道:人才排名港跌6位失亞洲榜首 排18遜星洲 瑞士IMD:公共教育投資落後

其他報道:土地問題影響專才 總領事山頂搬落薄扶林

其他報道:女性勞動力近半 陳婉嫻:女性參與率遜日韓

相關字詞﹕流感 編輯推介

上 / 下一篇新聞