港聞

下一篇
上一篇

【Emily Online】廉署做「班長」帶領一帶一路地區反貪 斯里蘭卡南非首派員來港上調查課程 (07:43)

廉署近年積極參與國際反貪工作,而喺《聯合國反貪腐公約》之下,廉署獲中央政府委託成為在港指定機構,負責協助其他締約國建立有效嘅反貪機制,當中包括「一帶一路」沿線國家在內嘅地區,好似印尼、新加坡、印度、新西蘭、斯里蘭卡、南非等。

而廉署今個月5號至30號,舉行第38期「總調查主任指揮課程」,正正就邀請咗「一帶一路」沿線地區嘅機構以及本港執法機關派出嘅共28位學員,在香港一齊交流反貪策略,其中斯里蘭卡同南非更加係首次派員參與課程。Emily仲留意到,內地對口單位包括國家監察委員會、北京市監察委員會、最高人民檢察院,都會派員嚟「上堂」㖭!

廉署係課程主辦機構,作為「班長」,會安排一班學員去廉署屯門訓練營,參與為期約一星期嘅外展領袖訓練,以加強團隊精神、溝通技巧及領導才能,認真犀利。除此之外,學員仲會飛去北京交流考察一星期,了解內地司法及反貪制度,而返到香港之後,佢哋須以香港、內地同其他國家嘅反貪及執法情況,完成一個專題報告,做埋project,非常認真。

廉署執行處課程總監陳安偉話,要打擊跨境貪污罪行,海外執法機構嘅協助不可或缺,「一帶一路」倡議提供重要契機,令香港廉署喺《聯合國反腐敗公約》嘅框架下,同其他司法管轄區的國際反貪伙伴深化合作,今次培訓課程亦有助廉署人員加強同相關反貪及執法機構嘅聯繫。

其他報道:【九西補選】梁振英再參選特首會否支持? 陳凱欣:視乎參選人政綱

其他報道:【九西補選】馮檢基指被「技安」欺凌 稱當年區選「被欽點」時未有初選機制

其他報道:好爸爸急性肝衰竭瑪麗ICU留醫 僱主九巴緊急呼籲捐肝救人

相關字詞﹕emily online 廉政公署 一帶一路 編輯推介

上 / 下一篇新聞