港聞

【短片:Emily Online】劉德華為團結香港基金影片旁述 稱「放假迫」因土地短缺 (21:37)

特首林鄭月娥下周三(10日)發表《施政報告》,內容包括土地拓展。早前土地供應專責小組向特首提交初步觀察報告,5類選項中,包括維港以外填海。被外界稱為「民間特首」劉德華對土地都有見解,佢喺團結香港基金推出嘅影片擔任旁白,話東大嶼都會嘅大規模人工島方案係眾多建議當中,「比較可取」嘅一項。佢認為「取捨係在所難免」:「知道一講到填海,就肯定有好多唔同意見,但呢個世界真係會有一個百分百完美嘅方案咩?」

其他報道:被捕的士司機全身癱瘓留醫一個月不治 閉路電視片段見警員箍頸扯事主上車

團結香港基金邀請咗劉德華,為新推出影片《讓下一代看見》做旁白,講到香港面對嘅土地房屋問題。喺3分半鐘影片當中,回顧咗八、九十年代嘅香港,劉德華講到,當時「香港好有衝勁,地方細細,志氣遠大,好似乜野都有可能發生」,但如今香港人面對「上唔到車、租唔起樓、返工迫、放假仲迫」嘅困局,令人覺得無希望。

劉德華喺旁白中問到:「無限個社會問題,會唔會來自同一個基本問題呢?」佢話問題根源,離不開土地房屋短缺,認為如果香港出現一大片全新土地,就會多好多空間,去起公營房屋同設施,令基層市民改善生活嘅速度加快。佢又認為「喺坊間眾多建議裏面,我覺得東大嶼嘅大規模人工島方案,睇來係比較可取」,達到長遠紓緩住屋問題嘅效果。

劉德華仲話「知道一講到填海,就肯定有好多唔同意見」,但佢反問「呢個世界真係會有一個百分百完美嘅方案咩?」佢又指出,有啲人會覺得填海造地有排搞,不過佢認爲唔應該因為時間既問題而猶豫,相反覺得「值得做就應該捉緊機會馬上做」,縮短等候時間。接近片尾,劉德華總結:「想香港繼續向前行,取捨係在所難免,選擇一個對香港未來最有利嘅方向去行啦。」

其他報道:脊髓肌萎新藥完成註冊可發售 爭取者周佩珊「好開心」:用藥對病人來說是曙光

其他報道:劉小麗報名選九西 泛民籲馮檢基「臨崖勒馬」 趙家賢:行為上馮不是民主派

相關字詞﹕劉德華 團結香港基金 東大嶼都會 施政報告 土地供應專責小組 編輯推介

上 / 下一篇新聞