港聞

下一篇
上一篇

【Emily Online】港鐵劉天成:高鐵原於山竹襲港前一日通車 形容推遲日期是「上天眷顧」 (21:02)

高鐵香港段通車接近一個禮拜。早幾日黃雨,高鐵西九龍總站都有好多位置漏水,港鐵高層星期五(28日)同傳媒茶叙時,都繼續有提到呢件事。港鐵車務總監劉天成透露,原來最初高鐵香港段開通嘅日子,係「擇日」揀咗9月15號、即係「山竹」襲港前夕當日,最終因為兩地政府仲有啲細節要傾,所以推遲到23號通車。佢形容係得到上天「眷顧」。

「山竹」襲港當日,喺西九總站同港鐵車務營運總管李聖基「共度春宵」嘅劉天成又話,颱風當日港鐵九龍灣總部都有爆玻璃,佢第二日見到網上流傳西九總站爆玻璃嘅相,都好緊張,即刻同行政總裁梁國權巡咗次西九總站,好彩證實係無事。至於而家站內嘅漏水情況,港鐵就話,會補返啲玻璃膠,又強調情況唔嚴重,認為新站有「滴水」都好正常。

其他報道:【短片】港珠澳大橋今起試運3天 路牌提醒「靠右駛」

其他報道:【網上熱話】網民貼圖指酒店賣發霉西餅 引述職員稱可吃同盒無霉另兩件

相關字詞﹕港鐵 高鐵 西九龍站 漏水 山竹 編輯推介

上 / 下一篇新聞