港聞

【Emily Online】荃灣居民投訴實政圓桌月餅發霉 社區幹事強調派發前已檢查清楚 (21:37)

一年容易又中秋,各個政團都會搞吓唔同活動。「田二少」新界西立法會議員田北辰嘅實政圓桌,近日就喺青龍頭一帶派月餅。之後有人喺「深井人」facebook群組表示,一開件月餅就見到竟然發咗霉,怕有街坊已經食咗落肚。

Emily向實政圓桌荃灣區社區幹事范煦瑜了解過。佢話一共訂咗大約300件月餅,全部由同一間本地工場製作,無落防腐劑,一出爐已經立即包裝運送同派出去。每個月餅包裝前,都經過佢哋質量檢測,肯定無問題先入盒。

佢話派月餅活動其實分咗兩日,嗰日喺青龍頭就派咗百令個,交到街坊手上嗰陣,有提醒大家要盡快食:「至於居民收到之後會點處理同存放,咁就控制唔到喇。」

范煦瑜亦表示抱歉,會同工場跟進,又話派月餅都係希望大家高高興興,以後一定會避免類似事件再引起大家不安。

其他報道:許金山妻「蛻變」日記曝光 留字稱深信丈夫會再次相信自己

其他報道:【短片】中秋節臨近 賊人偷12盒月餅「應節」 閉路電視全程錄影

其他報道:【山竹過後】羅致光:明白僱員無法準時上班壓力 但不適合訂停工劃一機制

相關字詞﹕青龍頭 實政圓桌 田北辰 深井 深井人 月餅 發霉月餅 發霉 編輯推介

上 / 下一篇新聞