港聞

下一篇
上一篇

【Emily Online:山竹過後】美國駐港總領事清理路面 張國鈞籲市民下決心減少垃圾 (21:58)

超強颱風「山竹」星期日(16日)襲港,搞到多處塌樹同交通受阻,特區政府冇宣布第二日(17日)全港停工引起唔少批評,美國駐港總領事館當日就自己停工一天。今日,位於中環花園道嘅總領事館恢復運作,總領事唐偉康仲同一班員工身穿反光衣同安全帽,清理領事館附近路面,仲將上載照片上facebook,並衷心感謝全港負責緊急維修同協助善後嘅人員。

另一邊廂,杏花邨係今次風災重災區之一,民建聯立法會議員張國鈞(Horace)今日下晝就帶埋幾個社區幹事,去杏花邨一帶清理塌樹同垃圾。Horace話自己住過杏花邨,對呢度好有感情,希望可以略盡綿力幫吓手。佢話今次打風沖咗好多海面垃圾上岸,大家應該反思社會過去製造太多垃圾,今次大海就將垃圾「畀番」人類。張國鈞話,希望大家以後可以下定決心,減少垃圾。

其他報道:【山竹過後】新華社:港珠澳大橋個別室外燈具損壞 大橋管理局日前稱路燈無恙

其他報道:【山竹過後】李家超:市民困惑等車數小時屬「不理想」 10月召首次會議檢討

其他報道:【山竹過後】年輕人自發清理大埔單車徑 冀社會了解青年對社區有承擔

相關字詞﹕山竹 唐偉康 張國鈞 美國駐港總領事館 杏花邨

上 / 下一篇新聞