港聞

下一篇
上一篇

【Emily Online】林村河變熒光綠 原來關環保署事 (17:00)

大埔中心對出一段逾百米長嘅林村河,今日中午河邊被染成一片熒光綠色,有市民就懷疑係有人非法排放、污染咗條河。不過,經Emily各方打探之後,原來令到條河變色嘅係專門打擊非法排放嘅環保署!點解嘅?

環保署回覆Emily查詢時話,署方會定期監察本港主要河溪,利用熒光色粉測試區內渠管有冇錯誤接駁或者滲漏,如果有,就可以透過色粉追蹤污染源頭同埋排放路徑。

署方又話,佢哋用嘅熒光色粉符合美國環境保護局要求,對魚類或鳥類都無影響,加上會自然分解,叫市民唔使擔心啊!仲話市民如果有問題,可以打電話去環保署熱線2838 3111查詢。

其他報道:初生女兒被摑成植物人 26歲父判囚6年4個半月

其他報道:【短片:飛燕撲日】關西機場一片汪洋 暫時關閉

相關字詞﹕林村河 非法排放 環保署 編輯推介

上 / 下一篇新聞