港聞

下一篇
上一篇

【Emily Online】傳政協收「領導指示」讚好陳凱欣fb 一日多400讚好 (16:46)

今時今日打選戰,線上同線下戰場同樣重要,盛傳九龍社團聯會「健康大使」陳凱欣會代表建制派出戰11月九龍西立法會補選,佢未正式宣布,但印有佢肖像嘅宣傳品喺九龍區內已經鋪天蓋地,而一眾建制派人士都成日喺網上轉貼陳凱欣facebook專頁嘅帖子。喺市級政協圈子呢兩日就傳緊一個電話信息,話收到「上面領導指示」,叫各位政協「必須」喺噚日同今日兩日內,去like陳凱欣嘅專頁,仲要邀請最少10個朋友like喎。不過,都有政協委員話自己冇直接喺「有關方面」收到呢個指示。

個信息畀埋陳凱欣fb專頁條link,最後提到,呢次活動會計算喺政協委員嘅「社會服務評分」,叫各位政協委員聽日將名單報告返畀有關幹事。

唔知同個信息有冇關係,Emily留意到,陳凱欣個fb專頁喺8月8日開,開咗20幾日,至噚日下午陳凱欣個fb專頁有大約3600人like,但今日已經有近4000人like喇。

其他報道:【Emily Online】健康大使曝光頻 陳凱欣推潮汕文化

其他報道:【內地居住證】陳勇:女士可北上搵白馬王子揀極品 研兩地婚姻可內地團聚

其他報道:【短片+多圖:高鐵開放日】港鐵設導賞團 開放範圍不包括月台及列車

相關字詞﹕九龍西 補選 立法會 編輯推介

上 / 下一篇新聞