港聞

【Emily Online】高鐵限旅客隨身行李長闊高合共不得多於130厘米 托運需數日 陳淑莊:可能已完咗行程 (19:40)

立法會交通事務委員會今日開會,討論高鐵香港段營運安排。有議員質疑,高鐵可以攜帶嘅行李尺寸太細,質疑高鐵開通在即,港鐵都仲未處理好相關嘅安排。港鐵就話,如果旅客行李尺寸超標,可以寄存喺西九總站先,過幾日先拎返。

交通事務委員會今日下晝討論高鐵營運安排,公民黨陳淑莊批評,按照內地搭高鐵嘅要求,旅客只可以帶1件行李,長、闊、高加埋唔可以超過130厘米,否則要托運,但行李分分鐘要3、4日後先送到目的地,旅客可能已經完咗行程返到香港。陳淑莊批評,咁嘅安排便利唔到市民,質疑港鐵有無考慮清楚呢啲細節。

港鐵車務總監劉天成承認,高鐵香港段對行李嘅要求同內地一致,又建議旅客如果行李尺寸超標,港鐵有托運服務,旅客亦可以將行李寄存喺西九總站,過幾日先拎返。

旅遊界議員姚思榮就話,高鐵通車初期,港鐵無安排旅行社買團體票,業界都好不滿。劉天成話,下星期會公布高鐵售票安排,之後會再同旅遊業界討論細節。

其他報道:【短片】永華麵家交舖前最後營業日 門外排長龍 食客購生麵「自煮」回味

其他報道:前高官馮永業與「賭王」姨仔 涉賄被起訴

其他報道:【Emily Online】梁錦松語出驚人話林鄭「唔係人」

相關字詞﹕高鐵 公民黨 陳淑莊 托運 行李 編輯推介

上 / 下一篇新聞