港聞

下一篇
上一篇

【短片:Emily Online】消防農曆七月請羅蘭姐拍片 邊RAP邊教心肺復蘇 (17:17)

早前藝人余德丞踢波期間昏迷,引起公眾討論心肺復蘇法。消防處星期日(19日)推出一條短片,請來藝人羅蘭等人,以RAP形式教導正確心肺復蘇法手勢。片段出街後大受好評,短短1日唔到,已經有4000幾人次觀看。

其他報道:【林偉駿逝世】數千網民留言悼念 大讚勇敢對抗超市霸權

時值農曆7月,一啲靈異元素自然少不免,例如幽邃閃爍嘅燈光、「9413」門牌、有着詭異提醒字句嘅外賣單等。當然最重要嘅,包括羅蘭姐經典拖長尾音聲線,可以話百無禁忌。

故事講述「消記茶餐廳」一位外賣仔,抵達一棟氛圍恐怖大廈送外賣時,被尾隨嘅羅蘭姐嚇至昏迷。羅蘭姐為咗教識一個全身藍色嘅「外星人」點樣救人,竟然畫風突變,同「牛頭」、「馬面」一齊,用RAP形式講述心肺復蘇同AED機(自動體外心臟去纖維性顫動機)使用要訣。最終成功救翻外賣仔,可謂大團圓結局。

最後,羅蘭姐喺影片最後宣傳消防處「『撃活人心』- 公眾人士使用除顫器課程」。羅蘭姐話,呢個課程導師每位都有20幾年前線救護經驗,呼籲公眾如有興趣可以佢哋嘅官網查詢添。

其他報道:羅致光盼今年底完成14周產假研究 或政府補貼

其他報道:上水名都奪命升降機事故 機電署:制動器部件長期缺潤滑 摩擦過熱致制動力不足

其他報道:環團抽查 八成跑步賽事派膠樽水 提供回收比例少

相關字詞﹕emily online 消防處 羅蘭 心肺復蘇 編輯推介

上 / 下一篇新聞